Matigdas nga ginpanginwala ni Senator Robin Padilla nga gintakas niya si Senator Ronald “Bato” dela Rosa halin sa Senado sang Mayo 14, matapos mabaton sang senador ang subpoena halin sa Department of Justice ukon DOJ.
Ginpahayag ni Padilla nga wala sang natabo nga “pag-eskapo” bangud madamo sang mga pulis sa palibot sang Senado kag may mga CCTV man nga nagamonitor sa lugar nga ila gin-agyan.
Suno kay Padilla, nagsakay lamang si Dela Rosa sa iya salakyan kag wala man sang pulis nga nagpugong sa ila samtang nagaguwa sila sa compound sang Senado.
Ginpabutyag pa sang senador nga indi niya pag-akapon bilang pagtakas ang natabo bangud wala man sila nagdalagan ukon nagtago agud makalikaw sa mga awtoridad.
Para kay Padilla, ang iya konsepto sang “pag-eskapo” amo ang pagdalagan kag pagkadto sa madulom ukon tago nga lugar, samtang ang ila ginhimo ni Dela Rosa amo lamang ang paglakad, pagsakay sa salakyan kag pagguwa sa Senado.
