Nagdangat na sa masobra 400 ka gasoline stations sa bug-os nga pungsod ang napagkit nga nagsarado, suno sa Philippine National Police (PNP), samtang nagapadayon ang pagsaka sang presyo sang krudo kag iban pa nga produkto nga petrolyo.
Suno kay PNP Spokesperson PBGen. Randulf Tuaño, halos nadoble ang numero sang nagsarado nga gasolinahan halin sa 270 nga napagkit sang nakaligad nga semana.
Base sa datos, masobra 14,300 ka gas stations ang padayon nga ginamonitor sang PNP agud mapunggan ang posible nga profiteering kag hoarding sang gatong.
Gin-imbestigahan man sang Department of Energy (DOE), kaupod ang mga otoridad sa mga kabangdanan sang pagsarado sang mga gasolinahan agud masiguro nga wala ini sang koneksyon sa pagpang-intu kag pagpanago sang supply.
Madumdumana nga nauna na nga ginpasang-atan sang kaso ang tatlo ka mga gasolinahan bangud sa iligal nga pagbaligya sang gatong, hoarding, kag profiteering, nga napagkit sa Nueva Vizcaya, Eastern Samar, kag Albay.
