Gindesignar ni Presidente Ferdinand Marcos Jr. si anay Sen Francis Tolentino bilang bag-o nga tiglikom sang Department of Labor and Employment (DOLE).
Siya ang nagbulos kay Sec. Bienvenido Laguesma, nga nag-resign bangud sa ikaayong lawas matapos magserbisyo halin 2022 tubtob 2026.
Si Tolentino isa ka abogado kag anay Senate Majority Leader nga nagserbe sa Senado humalin 2019 tubtob 2025.
Antes ang iya karera sa lehislatura, siya ang chairperson sang Metropolitan Manila Development Authority (MMDA) kag kilala sa iya papel sa paghanda sa kalamidad kag pagdumala sang kasyudaran.
Samtang si Laguesma ang isa ka beterano nga opisyal nga nagsugod sa DOLE sang dekada 70 bilang labor arbiter.
Nagserbisyo siya bilang sekretaryo sang DOLE sa idalom ni anay Presidente Joseph Estrada halin 1998 tubtob 2001, kag nagbalik sa amo man nga posisyon sa panahon sang administrasyon ni Marcos Jr. sa 2022.
Nagserbisyo man siya bilang commissioner sang Social Security System (SSS) halin 2011 tubtob 2016.
Ang appointment ni Tolentino ang nagakatabo sa tunga sang pagpanghangkat sa labor sector, lakip na ang mataas nga presyo sang mga balaklon, wage adjustments, worker protection, kag labor migration.
