Nagbalos sang pag-atake ang Islamic Revolutionary Guard Corps sang Iran sa isa ka air base sang United States, bisan wala nila ginpahayag ang eksakto nga lokasyon sini.
Nagsunod ini matapos ang nauna nga pagsalakay sang US sa mga military site sang Iran sa Bandar Abbas, nga isa ka estratehiko nga port city.
Samtang, nagpahayag man ang Kuwait, nga nagahost man sang air base sang US, nga naharang sang ila air defense ang mga “hostile missile kag drone threats,” apang wala nila ginhingadlan kun diin ini naghalin.
Ang bag-o nga tensyon sa tunga sang duha ka pungsod ilabi pa nga nagapaluya sa nagapadayon nga ceasefire.
Ini na ang ikaduha nga tion sa sulod sang tatlo ka adlaw nga naglunsyar sang serye sang pag-atake ang US sa mga target sa Iran, nga ginapanindugan naman sang Amerika bilang isa ka porma sang self-defense.
