Target sang House Prosecution Panel nga magharap sang mga 25 ka testigo sa palabuton nga impeachment trial batok kay Vice President Sara Duterte sa Senado.
Suno kay House Lead Prosecutor kag Batangas 2nd District Representative Gerville Luistro, indi pa mahimo isapubliko ang mga pangalan sang testigo sa subong kay yara pa sila sa vetting process.
Apang ginbuyagyag ni Luistro nga ang mga nakalinya nga testigo nagalakip sang mga opisyal halin sa Department of Education (DepEd) kag Office of the Vice President (OVP).
Bangud sa ila malapit nga relasyon sa Bise Presidente, ginapaabot sang panel ang ila tampad nga pagserbisyo.
Gani, ipatawag sila sa idalum sang rules of evidence bilang mga “hostile witness.”
Madumduman nga sa ginpatigayon nga clarificatory hearing sang House Committee on Justice, isa sa mga nagapanguna nga testigo amo si Ramil Madriaga, nga nagpakilala nga anay aide kag ginaalegar nga bagman sang Bise Presidente.
