Ginschedule liwat sang Supreme Court ang hearing sa pila ka mga petisyon nga nagakwestyon sa national budget.
Base sa impormasyon nga ginpagwa sang SC, ang Oral Argument nakatalana sa Hunyo 2, Hunyo 9, kag Hunyo 16, 2026.
Himuon ini sa En Banc Session Hall kag Division Hearing Room sang SC sa Padre Faura, Maynila.
Tatalakayon sa oral arguments ang mga ginsumpong nga petisyon nga ginpasaka ni anay Albay Representative Edcel Lagman, anay Senate President Aquilino Pimentel III, kag anay House Speaker Pantaleon Alvarez.
Upod man diri ang petisyon sang grupo nga Filipinos for Peace, Justice and Progress Movement Inc., kag ang petisyon ni anay Representative Edgar Erice kag Rep. Leila de Lima.
Una na nga nagdumala sang oral arguments ang SC sa sini nga mga petisyon sang Abril 2026.
Ang hingyo sang mga petitioner amo ang pagdula sang bisa sang mga pagbag-o kag insertions sa national budget sa idalom sang bicameral conference committee ukon kilala bilang “amendments and insertion.”
