Nagkasa na sang manhut operation batuk kay anay Presidential spokesperson Harry Roque ang mga operatiba sang Philippine National Police (PNP) nga gindeklara pugante sang Quad Committee sang Kamara.
Liwat gin-cite-in-contempt si Roque sang Huwebes matapos wala nagtambong sa hearing angot sa ilegal nga operasyon sang POGO sa pungsod.
Magluwas sa Subpoena, ginserbe man kay Roque ang arrest order sa opisina sini sa Makati City pero wala ini makit-an. Ulihe nga nakit-an si Roque sa Antel Corporation Centre sa Makati City.
Nagasuspetsa na man ang otoridad nga nagapanago si Roque bangud amat-amat na nga nagaka-bulgar ang koneksyon sini sa Lucky South 99, ang POGO hub nga ni-raid sang mga otoridad sa Porac, Pampanga nga nakuhaan sang binulto nga iligal nga droga.
