Nanindugan si House Lead Prosecutor Rep. Gerville Luistro nga wala sang nalapas nga kasuguan ang House of Representatives sa pagkuha kag pagtalakay sang mga rekord sang Anti-Money Laundering Council ukon AMLC nga may kaangtanan sa impeachment proceedings batok kay Vice President Sara Duterte.
Suno kay Luistro, sakop sang mandato sang Kamara ang amo nga aksyon kag may legal nga basehan ini sa idalom sang mga probisyon sang Anti-Money Laundering Act.
Ginpahayag man niya nga ang paggamit sang amo nga mga rekord sa impeachment proceedings may kaangtanan sa pag-usisa sang mga isyu nga ginapahayag batok sa bise presidente.
Samtang, nagapadayon ang diskusyon parte sa confidentiality sang AMLC information kag kon paano ini dapat gamiton sa proseso sang impeachment.
