KORONADAL CITY – Ginpaklaro ni Koronadal City Mayor Erlinda Araquil nga wala siya nagkakas sang ginatos ka mga job order employees sa City Hall sa baylo natapos lang ang kontrata sang pila sa ila.
Suno kay Mayor Araquil, sa kabug-osan nga 1,266 ka job order workers sang LGU Koronadal, 966 ang na-renew ang kontrata, samtang 270 ang wala na-renew matapos magtapos ang ila job order.
Ginpabutyag pa sang alkalde nga indi husto ang pahayag nga may ginpahalin siya nga masobra 270 ka empleyado, bangud ang natabo amo lamang ang pag-expire sang ila mga kontrata.
Kaangot sini, ginpasiguro man sini nga wala siya nagakakas sang empleyado nga maayo ang performance sa trabaho kag wala sang pamulitika sa proseso sang pagpili ukon pag-renew sang mga job order workers.
Gindugang niya nga ang pag-renew sang kontrata ginabase sa kinahanglanon sang opisina kag sa performance sang mga empleyado, kag indi sa pulitikal nga pagtan-aw.
