Ang paglaragway ni House prosecution counsel Atty. Lorna Kapunan nga isa ka “scam” ang ginapatihan nga sala nga pagdumala sang pampubliko nga pondo sa nagapadayon nga impeachment trial ni Vice President Sara Duterte ang resulta sa pag-cross-examine kay state auditor Roderick Wamil, angot sa presumption of personal benefit sa wala nalikidar nga confidential funds sang Office of the Vice President.
Sa interview sang Bombo Radyo Koronadal, ginsiling ni Rep. Zia Alonto Adiong, spokesperson sang House Prosecution Team, nga ang testimonya ni Wamil nagapakita sang importansya sang pagsunod sa COA rules sa paggamit kag pagliquidate sang confidential funds, kag nagapalig-on sa ebidensya nga ginapresentar sang prosekusyon.
Ginkumpirmar ni Wamil nga suno sa COA Circular, ang wala pagliquidate sang pondo sang isa ka accountable officer mahimo nga prima facie evidence sang sayop nga paggamit, kag ginkilala niya nga accountable officer si Duterte bilang ulo sang ahensya.
Suno kay Adiong, ang komento ni Atty. Kapunan ang indi na basta prima facie evidence sa baylo isa ka “scam,” apang gilayon ini nga gin-objectionan sang defense counsel Atty. Michael Poa bilang wala sa kaigo nga pahayag.
Ginkumparar man ni Adiong ang pahayag ni Atty. Kapunan sa estudyante ukon kabataan nga nagapangayo sang kwarta sa iya ginikanan para sa tuition fee apang gin-usar ini sa iban nga butang, gani amo ang pagkabig niya diri nga “scam” kasubong sang sala nga pag-usar sang confidential fund ni Vice President Sara Duterte.
