Ginkumpirmar sang Grammy Award-winning singer-songwriter nga si Sam Smith nga engaged na sila sa fashion designer nga si Christian Cowan matapos ang halos apat ka tuig nga relasyon.
Gintawag ni Sam si Christian nga iya “fiancé” samtang nagahambal bahin sa iya masunod nga album nga “Hazel Eyes.”
Apisar amo ini ang una nga kumpirmasyon sang ila engagement, wala pa sila naghatag sang detalye bahin sa proposal ukon sa plano sang ila kasal.
Madumduman nga una nga naggwa sa publiko ang ila relasyon sang 2022 kun sa diin masami na sila nga makita nga magkaupod sa mga fashion event kag iban pa nga pampubliko nga okasyon, bisan ginapili nila nga pribado ang ila personal nga kabuhi.
Sa karon, madamo nga fans ang nalipay sa balita kag nagpadala sang pagdayaw sa social media.
