Justin Timberlake gin-aresto sang mga pulis bangud sa pagmaneho nga hubog

Gin-aresto sang mga pulis sa New York si Justin Timberlake bangud sa pagmamaneho nga yara sa impluwensiya sang ilimnon.

Suno sa tigpamaba sang Sag Harbor Police halin sa party sa isa ka hotel ang singer.

Nakita sang mga pulis nga mahinay kag indi tadlong ang pagmaneho sini gani ginpauntat nila.

Gin-gamitan ini sang breathalyzer test kag nagpositibo ang resulta.

Gilayon naman nga nagpadulong ang mga abyan sang singer sa police station kag ginhingyo nga hilwayon ang singer apang wala ini natabo.

Sa karon, wala pa sang opisyal nga pahayag nga ginpaguwa ang kampo sang singer.