Luyag ni Senate President Pro Tempore Jinggoy Estrada nga imbestigahan sang Philippine Statistics Authority ang issuance sang birth certifiacte ni Katherine Cassandra Ong.
Si Ong amo ang authorized representative sang Lucky South 99 nga ginraid nga POGO hub sa Porac, Pampanga.
Sa hearing sang quad committee, ginpahayag ni Estrada nga makaduluda ang detalye angot sa pagbata kay Ong.
Una dire, wala sang may nakakilala sa midwife nga si Rosario Mendez nga gin-alegar nagpabata sa iloy ni Ong nga si Li Ying Xia.
Ika duha amo ang registered address ni Ong kon diin nasaad nga naga-istar siya sa San Juan City apang ang 345 P. Mendoza Street ang wala naga-exist nga address.
Kag ikatatlo amo ang late registration sang birth certificate sini bangud ginbata siya May 23, 2000 apang May 16, 2001 na naparehistro.
Dugang pa sang senador, wala sang record ang PSA sang birth certificate sang iya iloy kag wala man na rehistro ang kasal sa bana sini nga si Richard Ong Chao Hong.
Ginpahayag naman ni Ong nga wala siya sang ideya nga si Alice Guo, utod sini nga si Sheila Guo kag Wesley Guo nga nobyo ni Ong ang magapalagyo.
