KORONADAL CITY – “It’s really a blessing to have the crown” ini ang nangin pahayag ni Mutya ng South Cotabato 2024 Ms.Clara Michelena makaligad ang madinalag-on sini nga kampanya sa bag-o lang gid takup nga Mutya ng South Cotabato 2024 kadungan man sang ika-58 foundation anniversary sang South Cotabato kag 25th Tnalak Festival sang probinsya.
Suno sa Fil-am beauty queen nga tumandok sang Koronadal, tuman ka overwhelming kag wala gid nag sink in sa iya nga kaisipan ang kadalag-an nga iya nakuha batok sa 17 ka iban pa nga mga maanyag nga lin-ay nagikan sa nagkalain-lain nga bahin sang South Cotabato.
Ginpahayag man sini nga makaligan ang iya nga kadalag-an madamo na sang mga endorsement ini nga nabaton sa nagkalain lain nga produkto kag mga trabaho nga ginatanyag sa iya.
Ginpahayag man sini nga indi madali ang iya nga naagyan antes nga nakuha sini sang Korona.
Madamo man sang mga natabo within the process antes pa ini nga nangin Mutya ng South Cotabato 2024.
Ginpahayag man sini nga “Resiliency” ang iya nga nangin edge kumpara sa iban nga mga kandidata kag nangin dako man nga butang sa iya nga kadalag-an sa pageant.
Ginpahayag man ini nga bata pa lamang siya nakahiligan na niya ang pageantry sa diin masami na ini nga nagapasakop.
Wala man ini nakabatyag sang kulba kag kampante man ini sa tion sang pageant.
Padayon naman ang pasalamat sini sa tanan nga nagsuporta sa iya nga kampanya sa Mutya ng South Cotabato bangud nahatagan ini sang tion nga mapamatud-an ang iya nga abilidad kag ikasarang sa pageantry.
