Madamo nga pungsod, nagkondena sa pag-atake sang Houthi rebels sa Saudi Arabia

Nagkondena ang madamo nga pungsod sa pag-atake sang Houthi rebels sa nagkalain-lain nga bahin sang Saudi Arabia.

Gintarget sang missiles sang Houthi ang mga oil facilities sa Abha, Najran kag Jizan, pati ang airbase sa Khamis Mushait.

Masobra 73 ka indibidwal, lakip ang mga kabataan kag kababayin-an, ang napilasan sa insidente.

Nagkondena ang United Nations sa pag-atake kag ginpahanumdom nga indi dapat madalahig ang mga sibilyan.

Nagpahayag man sang pagkabalaka ang Qatar sa nagalala nga sitwasyon.

Samtang, ginbatikos sang Bahrain ang Houthi rebels kag ginpahayag nga dapat sila manabat sa ila ginhimo.

Nagpahayag naman ang Russia sang kahandaan nga magpatunga sa nagpadayon nga tensyon sa tunga sang Saudi Arabia kag Houthi rebels.