Yara na sa Kustodiya sang Polomolok MPS ang lima ka suspek bangud sa ilegal nga droga kag pag dala sa ng ilegal nga armas pinaagi sa malampuson nga pag arestar sa ila sa mga katapo sang PDEG12-SOU12, RIU12 kag Polomolok MPS, kag sa koordinasyon sang PDEA12 kahapon nga adlaw sang Dominggo, Nobyembre 23, 2025.
Ginkilala ang mga suspek nga sanday alayas “Sadam” (HVI), laki, 27 anyos, may live-in partner, alyas “Roxane” (HVI), babaye, 26 anyos, may live-in partner, cellphone technician, alyas “Weng” (HVI), laki, 42 anyos, may asawa, self-employed, alyas “Gingging”, laki, 49 anyos, may asawa, self-employed, kag akyas “Arnold” (HVI), 49 anyos, may asawa, retired Philippine Army, ini sila lunsay residente sa nag kalain lain nga bahin sa syudad sang General Sanatos City.
Base sa mga wtoridad sa tion sang operasyon, naka-bakal ang police poseur-buyer sang isa (1) ka gamay nga square-shaped heat-sealed transparent plastic sachet nga may unod nga puti nga crystalline substance nga ginasuspetsahan nga shabu, may kabug-aton nga MOL isa (1) ka gramo (Object of Sale) kay alias Sadam kag Roxane, gamit ang isa (1) ka bilog sang originaI nga one thousand-peso bill (₱1,000.00) nga may serial number AA2863642 kag may pirma malapit sa serial number.
Nabakal man ang isa ka .9mm caliber (FA SHOOTER) nga pistola, may serial number 1900461, may magazine nga may unod nga anum (6) ka bala, halin kay alias Weng, gamit ang isa (1) ka bilog originaI nga one thousand-peso bill (₱1,000.00) nga may serial number JR645479 kag may pirma sa sulod sang Bangko Sentral logo, kag iban pa.
Sa subong ang mga nadakpan nga suspek yara na sa kustodiya sang Polomolok MPS para sa nagakaigo nga disposisyon kag dugang nga dokumentasyon, samtang ginahimo na ang mga pormal nga reklamo para sa kaso nga Paglapas sa Section 5 & 11 Article II sang RA 9165 kag paglapas sa RA 10591.
