Kinahanglan magpadayon na ang trial angot sa impeachment complaint batok sa Bise Presidente sa tion nga mapasa na ang Articles of Impeachment sa Senado.
Ini ang nangin pahayag ni Ret. Judge Lorenzo Balo – Legal Adviser sang Sultan Kudarat, sa interview sang Bombo Radyo Koronadal.
Suno kay Balo, constitutional obligation sang Senado nga gilayon magpatigayon sang trial.
Ginpaathag man niya nga indi mahimo balabagan ukon punggan sang bisan sin-o nga senador ang trial ukon proceedings bangud wala sang motion to dismiss ang kaso kag mahimo pasang-atan sang obstruction of justice.
Bangud sini, nagalaum si Balo nga magpadayon ang trial sa impeachment sang Bise Presidente kag magguwa na ang kamatuoran angot sa mga alegasyon sang korupsyon kag iregularidad.
