Patay ang 31 katawo sa pang-hijack sang militante nga grupo sa isa tren sa Pakistan.
Lakip sa mga napatay amo ang 23 ka suldado, 3 ka empleyado sang riles, kag 4 ka pasahero.
Sa ginpagwa nga pahayag sang separatista nga Baloch Liberation Army nga nag-angkon sang responsibilidad sa pag-atake, ginpahayag sang grupo nga nakapalagyo ang ila mga fighters upod ang 214 ka mga hostage, apang ila man ginpahayag nga ila gin-himo ang tanan nga ini nga wala nagahatag sang bisan ano nga ebidensya agod mapamatud-an ini.
Antes sini, gin-atake sang mga militante ang Jaffar Express sa malayo nga mountain pass sa Balochistan province, ginpalukpan ang mga riles sang tren sa pag-atake kag ginhostage ang mga pasahero sa isa ka adlaw nga standoff.
Suno kay Army spokesperson Ahmed Sharif Chaudhry, napatay sang mga sundalo ang 33 ka insurgents kag naluwas ang 354 ka mga hostage.
Wala man sang indikasyon nga may iban pa nga bihag nga nakuha ang grupo halin sa nasambit nga lugar sang krimen.
Ginpahayag man sang Army official nga may ebidensya nga ginasuportahan sang India kag Afghanistan ang mga insurgent, nga gin-deny sang duha ka mga pungsod.
