KORONADAL CITY – Halos 200 na ka mga baboy na ang gikumpiska kag gilayon nga ginpaidalum sa culling o kun ginlubong makaligad nga makapagkit sang African Swine Fever sa banwa sang Banga South Cotabato.
Sa interbyu sang Bombo Radyo Koronadal kay Kagawad Renato Dely sang Barangay Benitez sa banwa sang Banga, nakibot lamang sila nga ginpabalo sa ila sang Municipal Agriculture nga suno pa kinahanglan nila nga kwaon ang tanan nga mga baboy halin sa Barangay Yangco, Improgo, kag Benetiz ilabi na kag may yara na sang nagkalamatay kag nagpositibo sa ASF.
Apang suno pa sa opisyal, indi tanan nga may yara sang hinuptan nga mga baboy nga residente sa ila nga lugar ang nakumpiska makaligad nga nagpalag kag nagbato ang mga ini kag nakaangkon sang komosyon.
Kaina lamang sang aga sang ginpatawaga ang tanan nga mga hog raisers sa nasambit nga mga barangay agud ipaathag sa ila ang natabo Luwas pa sini, nagreklamo man ang pipila ka mga hog raiser nga nakumpiskahan sang mga hinuptan nga baboy bangud indi suno pa insakto ang ginhatag nga cash assitance bilang baylo sa pagkumpiska sa ila nga mga baboy.
Sa karon, nagapadayon ang monitoring sang Provincial Veterinary Office sa kabug usan nga numero sang mga baboy nga apektado sang nasambit nga ASF.
