Nagdangat sa 1,000 estudyante kag manunudlo sa Indonesia ang nagmalasakit matapos nga magkaon sang pagkaon halin sa feeding program sang ila gobyerno.
Nakaeksperyensya sang pagpanakit sang ila tiyan kag pagkalingin sang ulo ang masobra 700 high school students sang Rembang, Central Java.
Naghalin ang nasambit nga pagkaon sa programa ni President Prabowo Subianto angot sa ikaayong lawa sang mga estudyante sang Indonesia.
Gilayon naman nga gindangat sa balay-bululngan ang mga estudyante kag manunudlo matapos nga makaeksperyensya sang food poisoning.
Samtang, ginpasiguro naman sang gobyerno sang Indonesia nga sila ang magakabayad sa nagakaangay nga pagbulong sang mga biktima.
Nagpangayo naman sang pagpasaylo ang food distributor kag nagpromisa nga magahatag sang bulig sa mga apektado nga estudyante kag manunudlo.
