Nagtaliwan na sa edad nga 102 anyos ang beterana nga American actress nga si Eva Marie Saint.
Suno sa iya spokesperson, nagtaliwan ang aktres sa iya puluy-an sa Los Angeles bangod sa natural causes nga may kaangtanan sa iya edad.
Madumduman nga nakabaton si Saint sang Academy Award ukon Oscar bilang Best Supporting Actress bangod sa iya pag-arte sa 1954 nga pelikula nga On the Waterfront.
Nagpadayon ang iya malawig nga karera sa Hollywood kag nangin kabahin man siya sang 1959 nga thriller nga North by Northwest, kun sa diin nakatrabaho niya ang bantog nga aktor nga si Cary Grant.
Antes pa sini, nagtuon si Saint sa Actors Studio sa New York, nga nakabulig sa pagpauswag sang iya talento sa pag-arte.
Sa sulod sang iya madugay nga karera, nakatrabaho niya ang nagkalain-lain nga kilala nga mga direktor kag aktor kag nangin isa sa mga aktres nga may malawig kag importante nga kontribusyon sa industriya sang pelikula.
