Guiness Book Record sa “Most pedicures given in 8 hours” nakuha na sang Tampakan, SoCot

KORONADAL CITY – Ginaangkon na sang banwa sang Tampakan, South Cotabato ang Guiness Book Record sa “The most pedicures given in 8 hours”.

Ini makalihad nga gindeklarar ni Guiness Book of World Record adjudicator Kazuyoshi Kirimura sang Japan nga nalampasan sang LGU ang title holder nga pungsod Canada nga may 1,083 records.

Suno kay Kirimura, isa isa nga ginlantaw ang before and after photos sang mga pedicure kun diin naglab-ot sa 1,223 katawo ang nakapasar sa world record attempt.

Sa subong opisyal na nga record-holder ang banwa sang Tampakan sa most pedicures.

Madumduman nga ini ang ginpatigayon nga dululungan kadungan man sang pagselebrar sang 55th Foundation Anniversary kag 21st Lum’alay Festival sang tinalikdan nga Hunyo 15, 2024.