Naga-saka ang mga kaso sang kinawatanay ukon crime against property sa syudad sang Koronadal
Ini ang nangin pahayag Mayor Erlinda Araquil sa interview sang Bombo Radyo Koronadal.
Suno kay Araquil, nga tuman ka importansya ang aktibo nga partisipasyon sang komunidad sa pagmintinar sang kalinong kag katawhayan sang syudad.
Dugang ni Araquil, nga bangod sa kulang sang pwersa sang kapulisan, indi nila matutukan ang tanan nga lugar sa bilog nga syudad. Gani, ginapanawagan niya ang kooperasyon sang publiko—ilabi na ang pagreport sang mga tawo nga may kahina-hinala nga aktibidad ukon krimen kag ang pag-file sang pormal nga reklamo agod maaksyunan dayon kag mapanabat ang mga naglapas sang kasuguan.
Ginpaandaman ni Araquil, ang mga pumuluyo nga maghalong sa palibot, labi na sa gab-i, indi magsuksok sang mahalon nga mga gamit kung magawas sang panimalay kag mangin alerto sa posibilidad sang kinawatan kag iban pa nga krimen.
Nagpanawagan man siya sa mga ginikanan nga bantayan kag giyahan ang ila mga kabataan, agod malikawan ang ano man nga peligro ukon sa mga kalakasan nga mahimo magdala sang problema.
