Nagdangat na sa masobra P6.64 milyon ang kabug-usan nga damyos sa sektor sang agrikultura sa Albay bangud sa pag alburuto sang Bulkang Mayon kag padayn nga ashfall, suno sa Department of Agriculture.
Sandig sa pinakaulihi nga datos, yara na sa 84 metric tons sang high-value crops ang apektado nga may kabug-usan nga 16 ektarya sang agrukultura.
Luwas sini, 33 na ka mga kasapatan ang napagkit nga napatay nga gnabulubanta nga nagabalor sang P121,000.
Samtang, nagapadayon man ang evacuation kag maid-id nga monitoring sa mga livestock sa mga apektado nga lugar agud malikawan ang mas dako nga halit sini.
Padayon man ang paghatag sang lokal nga pamunuan sang animal health services, lakip na ang feeds kag iban pa nga kinahanglan nga suporta sa mga mangunguma.
Samtang, ginpasiguro man sang Department of Agriculture nga magadugang sang hust nga bulig, lakip na ang pagpanagtag sang binhi, pautang, kag crop insurance, agud mabuligan ang mga mangunguma nga mahagan-hagan ang epekto sang kalamidad.
