Nagabantay gihapon ang Department of Information and Communications Technology (DICT) sa nagakatabo nga global IT system outage nga nagdala sang epekto sa mga negosyo sa bug-os nga kalibutan.
Suno kay DICT Assistant Secretary kag spokesperson Renato Paraiso, hugot nga gina-monitor sang ila Cybersecurity Bureau kag National Computer Emergency Response Team ang nagluntad nga insidente.
Ginapahibalo man nila kun ano ang kamatuoran sa natabo kun ini ang hacking ukon cyberattack apang una na ginpahayag nga bangud ini sa ‘faulty updates’.
Sa iya panglantaw, nagapati siya nga madali lamang maresolbar ang problema.
Nabalik naman ang pila ka online services sang iban nga mga bangko nga direkta nga naapektuhan sang outage sa pungsod.
Madumduman nga madamo sang mga bangko, flights, kag iban nga negosyo ang nangin apektado sang nasambit nga outage matapos nga nakaangkon sang problema ang sistema sang cybersecurity company nga CrowdStrike.
