Ginabaligya sa auction ang “revenge dress” sang nagtaliwan na nga si Princess Diana.
Ginsuksok ni Princess of Wales ang itom nga strapless silk evening dress sang nagtambong siya sa isa ka party sa London.
Sa amo nga okasyon, gin-admitar sang iya anay bana nga si Prince Charles nga may yara ini sang iban nga babayi samtang sila kasal pa.
Ginakabig nga isa ka iconic nga pop-culture moment ang pag-abot ni Princess Diana sa Serpentine Gallery sang 1994.
Suno sa Sotheby auction house, posible nga mabakal ang sini nga bayo sa kantidad nga tubtob $300,000 ukon sobra P18 milyon.
Mahimo pa nga magsaka ang presyo sini kon magsugod na ang auction sa Disyembre 9.
Ini ang una nga tion nga gin-auction ini sang 1997, sang ginbaligya ni Princess Diana ang iya 79 ka mga bayo pila ka bulan antes siya nagtaliwan, agud makatipon sang kuwarta para sa mga charity.
