Gin-atubang na sang Philippine National Police, Department of the Interior and Local Government kag Armed Forces of the Philippines ang naaresto nga si Paulene Canada sa publiko, sa ginpatigayon nga joint press conference.
Ang nadakpan nga si Canada ang kaupod nga akusado ni self-proclaimed “Son of God” kag pugante nga si Pastor Apollo Quiboloy sa patong-patong nga kaso nga child abuse kag qualified trafficking.
Suno kay Department of the Interior and Local Government Secretary Benhur Abalos, paagi sa warrant of arrest naaresto si Canada sa ginpatigayon nga joint operation sa isa ka puluy-an sa Emily Homes Subd. Davao City, ala-una sang hapon, Hulyo 11,2024.
Ini makaligad nga makabaton sang tawag ang mga otoridad nga ang babaye nga kanawong sang litrato nga yara sa wanted poster nga may patong nga Php1M ang ila nakita.
Antes pa man nakabaton sang anonymous call nagpatigayon na ang ahensiya sang maidid nga surveillance sa mga lugarn ga ginpanaguan ni Canada.
