Madinalag-on nga ginpatigayon sang Police Regional Office 12 ang send-off ceremony para sa mga kapulisan nga ipadala bilang augmentation personnel sa Police Regional Office–Bangsamoro Autonomous Region.
Sa interview sang Bombo Radyo Koronadal kay PBGen. Alan Manibog, Regional Director sang PRO-12, ginpahayag niya nga organisado ang pagpadala sang augmentation personnel sa nasambit nga rehiyon.
Suno kay Manibog, masobra 900 ka mga kapulisan ang madinalag-on nga ginpadala sa PRO-BAR bilang dugang nga personnel para sa pagpasiguro sang seguridad.
Kaangot sini, ginpasiguro ni Manibog nga ang pagpadala sang mga personnel indi makaapekto sa seguridad sa bug-os nga probinsya sang South Cotabato.
Ginpahayag niya nga padayon gihapon ang deployment sang nagakaigo nga pwersa sang kapulisan sa probinsya agud mapabilin ang kalinong kag seguridad sang mga pumuluyo.
