KORONADAL CITY – Naaresto sang mga otoridad ang duha ka ginakabig nga high value individuals sa ginpatigayon nga drug buy-bust operation sa Barangay Poblacion, Tupi, South Cotabato.
Ginkilala sang kapulisan ang mga drug suspects nga sanday Michael John Armidilla Cadungon alias “Boknoy”, 32-years old, tricycle driver, residente sang Lansones Street, Barangay Dadiangas North, General Santos City, kag Joshua Lincay Releva alias “Wang”, 20-years old, residente naman sang Barangay Cahilsot, Barangay Calumpang, General Santos City.
Nakuha sa posisyon sang mga ini ang mga sachet sang ginapatihan nga shabu, 1 unit S&W cal 357 magnum revolver nga wala sang serial number, kag mga drug paraphernalia.
Magapangatubang naman sa patong-patong nga kaso ang mga naaresto nga mga drug suspect.
