DSWD naghatag sang P8.4-M nga kantidad sa humanitarian aid sa mga yara sa evacuation center bangud sa Bulkang Mayon

Nagdangat na sa sobra ₱8.4 milyon ang balor sang humanitarian aid ang ginhatag sang Department of Social Welfare and Development (DSWD) sa probinsya sang Albay agud buligan ang mga pamilya nga naapektuhan sang pag-alburuto sang Bulkang Mayon.

Suno kay DSWD Asst. Secretary Irene Dumlao, ini direkta nga ginpanugyan sa disaster response operation sang mga local government units.

Padayon man ang ila paghatag sang bulig, labi na gid sa mga pamilya nga yara sa mga evacuation centers.

Yara na man sa 1,100 ka pamilya ukon 4,000 ka indibidwal ang gin-evacuate kag temporaryo nga nagatinir subong sa 12 ka evacuation centers sa probinsya.