KORONADAL CITY – Yara na sa kustodiya sang mga otoridad ang isa ka drug suspect nga ginakabig high value target sa ginpatigayon nga buy-bust operation sang mga otoridad sa Purok Mahigugmaon, Barangay Cabudian, Banga, South Cotabato.
Ginkilala ni Police Brigadier General Percival Augustus Placer, Regional Director sang Police Regional Office 12 ang suspek nga si alyas “Ray”, 36-anyos, may asawa kag residente sang nasambit nga lugar.
Suno sa report, alas-8:45 sang gab-i sang maaresto ang suspek sang mga tinawo sang Municipal Drug Enforcement Unit (MDEU) sang Banga MPS (lead unit), SCPIU, SCPDEU, RID12, RSOG12 at PDEA South Cotabato, matapos makabakal sang ginapatihan nga shabu ang nagpakuno-kuno nga poseur buyer.
Nakumpiska sa suspek ang isa ka dyutay kag 3 ka dalagko nga plastic sachet sang ginapatihan nga shabu kag Php1,000 bill bilang buy-bust money.
Magapangatubang naman ang suspek sang kaso nga paglapas sa RA 9165 ukon “Comprehensive Dangerous Drugs Act of 2002”.
Nagapadayon man ang pahanumdom sang mga otoridad sa tanan nga untatan na ang pagduso ukon pag-usar sang illegal nga droga.
