Dako ang nahatag nga bulig sang Assistance to Individuals in Crisis Situations ukon AICS sa mga benepisyaryo nga pareho kay Efren Togonon, ilabi na sa mga pigado kag nagakinahanglan sang pinansyal nga suporta.
Sa interview sang Bombo Radyo Koronadal kay Togonon, iya ginpahayag nga dako ang nahimo sang AICS nga bulig sa iya, ilabi na sa pagbakal sang iya mga maintenance medicines.
Samtang, ginpabutyag niya nga mas hapos kag mas organisado ang proseso sang pagkuha sang assistance subong nga tuig kumpara sang nagligad.
Suno sa iya, mas nahapos ini bangud ginpanaog na ang paghatag sang serbisyo sa tagsa-tagsa ka barangay imbes nga sa isa lamang ka lokasyon.
Apang bisan nagamahal ang presyo sang halos tanan nga balaklon, nagpasalamat gihapon si Togonon sa gobyerno sa padayon nga bulig para sa mga nagakinahanglan.
Ginapangabay man niya nga padayon pa nga mapalapad kag mapalawig ang mga serbisyo sang gobyerno para mas madamo pa nga pumuluyo ang mabuligan.
