Nagpanawagan ang isa ka pumuluyo kag benepisyaryo sang Assistance to Individuals in Crisis Situations ukon AICS sa gobyerno nga padayon nga maghatag sang bulig kag maayo nga serbisyo sa mga tawo, ilabi na sa mga yara sa mabudlay nga kahimtangan.
Sa interview sang Bombo Radyo Koronadal kay Elaida Binil, iya ginpahayag ang iya pagpasalamat sa bulig nga iya nabaton halin sa gobyerno kag ginpangabay nga indi ini mag-untat sa pagbulig sa mga nagakinahanglan.
Suno sa iya, dako ang nahatag nga bulig sang AICS kag iban pa nga programa sang gobyerno sa mga tawo nga nagaatubang sang pinansyal nga kabudlayan.
Apang ginpangabay man ni Binil ang iban nga mga benepisyaryo kag pumuluyo nga padayon nga magpaninguha sa ila pangabuhi kag indi magsalig lamang sa bulig sang gobyerno.
Suno sa iya, importante gihapon ang kaugalingon nga pagpaningkamot agud makasarang sa mga panginahanglanon sa adlaw-adlaw nga kabuhi.
