Nag-abot na sa New Delhi, India si Pangulong Ferdinand R. Marcos Jr. agud magtambong sa 18th BRICS Summit sa Setyembre 12 kag 13.
Magapartisipar ang Pangulo sa summit bilang Chair sang Association of Southeast Asian Nations ukon ASEAN para sa 2026 kag bilang invited outreach country.
Ginapaabot nga ipresentar ni Marcos ang mga prayoridad sang ASEAN kag isulong ang mas malapad nga kooperasyon sa mga pungsod nga kabahin sang BRICS, ilabi na sa trade, investment, security, food kag energy security, kag climate resilience.
Importante man ang pagpartisipar sang Pilipinas sa summit bangud nagahatag ini sang oportunidad nga mapabakod ang relasyon sang ASEAN sa mga nagasanyog nga ekonomiya sa kalibutan.
Dugang pa sa iya pagtambong sa BRICS Summit, nakatakda man nga magpatigayon sang bilateral meeting si Marcos kay Indian Prime Minister Narendra Modi agud talakayon ang mga isyu nga importante sa Pilipinas kag India.
Ang pagbisita ni Marcos sa India kabahin sang iya foreign engagements bilang ASEAN Chair, upod ang pagpalapad sang interes sang Pilipinas sa ekonomiya, seguridad kag regional cooperation.
