Ginpa-athag ng isa ka opisyal sang Department of Justice (DOJ) nga indi pwede suspendihin ni Pangulong Ferdinand Marcos Jr. si Vice President Sara Duterte.
Ini sa piyak sang assassination remarks sang Bise Presidente batok kila PBBM, First Lady Liza Araneta-Marcos kag House Speaker Martin Romualdez.
Suno kay Justice USec. Jesse Andres, ang Ombudsman lang suno pa ang may gahum nga mag-suspendi sa ikaduha nga pinakamataas nga opisyal sang pungsod samtang ang presidente ang may gahum lang nga mag-suspendi sang mga local government executives.
Apang, ginpahay sang opisyal nga pwede maga-atubang sang diskwalipikasyon halin sa public office si VP Sara kun mapatud-an nga guilty siya sa paglapas sa Anti-Terror Law sang pungsod kung sa diin ang pagpamahog niya sa Presidente ang pwede matawg bilang pagkalat sang kahadlok kag pag-destabilize sa gobyerno.
Ginpaklaro sang Bise Presidente nga wala siya nagamit sang kataga nga “assassin” sa iya nagin mga pahayag batok sa Presidente.
