Ginalauman sang mga motorista ang posible nga mabug-at nga pagsaka sa presyo sang produktong petrolyo sa masunod nga semana, kasunod sang nagadayon nga tensyon sa Middle East nga nagapabug-at sa global supply sang krudo.
Suno sa mga source sa industriya sang gatong, ginapaabot nga magadugang sang ₱14.00 tubtob ₱14.50 kada litro ang diesel, samtang ang gasolina mahimo man magtaas sang ₱7.00 tubtob ₱7.50 kada litro.
Kun matuod ang projection, ang presyo sang diesel posible nga maglapaw sa ₱130 kada litro, samtang ang gasolina mahimo maglapit ukon maglapaw sa ₱100 kada litro sa iban nga lugar.
Ginaangot sang mga eksperto ang nagasaka nga presyo sa padayon nga krisis sa suplay sang gatong nga tuga sang giyera sa Middle East, nga nagapahigpit sa supply chain kag nagaduso sang volatility sa merkado.
