Pagalauman sang mga motorista ang dako nga pagnubo sang presyo sang petrolyo sa madason nga semana bangud sang nagasaka nga paglaum sang merkado sa posible nga ceasefire agreement sa tunga sang Estados Unidos kag Iran.
Lauman nga magnubo ang presyo sang diesel sang P6.50 tubtob P7.50 kada litro halin Hunyo 2.
Mahimo man magnubo ang gatong sang P3.50 tubtob P4.50 kada litro.
Nagapabilin nga nagapanubo ang presyo sang krudo kag ginproseso nga produkto nga petrolyo bangud sang mas maayo nga sentimyento nga ang US kag Iran nagapalapit sa isa ka ceasefire agreement, bisan pa nga may mga wala pa nasabtan nga mga isyu sa tunga nila.
Nagadugang man ang paglaum nga mahimo na liwat mabuksan ang Strait of Hormuz para sa mas hapsay nga ruta sang mga barko sang supply sang petrolyo.
Ginbase ang mga pag stimate sa una nga apat ka adlaw sang trading sa Mean of Platts Singapore (MOPS), nga amo ang basehan sang presyo sang petrolyo sa Southeast Asia.
Ginkonsiderar man sa projections ang average nga foreign exchange rates.
