KORONADAL CITY- Nagpaabot sang reklamo sa subong sang isa ka barangay Kagawad sang Brgy. Afus, Tboli, South Cotabato sa Bombo Radyo Koronadal nahanungod sa suno pa gina-alegar nga “Ghost resolution” nga gin kreer sang ila nga kapitan sa ila nga barangay.
Sa interview sang Bombo Radyo Koronadal kay Hon. Renany Buan- Barangay Kagawad sang Brgy. Afus, Tboli, South Cotabato, gin-alegar sini nga isa ka sahi sang “Ghost resolution” ang ginpaguwa nga Resolution number 1 ni Barangay Afus Chairman Jerry Abentong sa diin na petsahan sang Nobyembre 28 2023 ukon ang Resolution nga naga hangyo sa Sta. Catalina Credit Cooperative nga e-extend ang load sang ila nga barangay sa nasambit nga kooperatiba.
Gina-alegar ni Kagawad Buan nga nahimo ang resolution nga wala sang session nga natabo kag sala man ang pagpaperma sang mga kagawad nga bag-o lang nagdaog sang October 2023 Barangay Elections bangud natalana nga maga assume ang mga ini sang Disyembre 2023 sa diin wala pa naka oath taking ang mga bago nagdaog nga mga barangay Official.
Magluwas pa diri, malisyoso man ang pagkakas sang kapitan sa kagawad sang Approriation Committee sang barangay nga wala sang husto nga balasehan.
Ginpahayag pa nga wala man nag concur ang kapitan sa SB sa desisyon sini sa pag appoint sang Barangay Secretary nga paryente sini kag ila nga Barangay Treasurer.
Bukas naman ang waragwagan sang Bombo Radyo Koronadal sa sabat ni Barangay Afus Chairman Jerry Abentong sa mga alegasyon batok sa siya.
