Nagdangat na sa ginabulubanta nga $29 billion ukon ₱1.78 trillion tubtob ₱1.79 trillion ang gastos sang U.S. sa nagapadayon nga kinagamo batok sa Iran, suno sa isa ka matag-as nga opisyal sang Pentagon.
Mas matag-as ini sang $4 billion ukon ₱224 billion tubtob ₱226 billion kumpara sa una nga banà-bana sang pungsod sang nagligad nga bulan nga yara sa $25 billion ukon ₱1.40 trillion tubtob ₱1.45 trillion.
Lakip sa bag-o nga bili ang dugang nga gasto sa pag-ayo kag pag-ilis sang mga kagamitan, apang lakip man ang operational costs sang militar.
Indi pa gilayon ginpahayag sang Pentagon kun paano eksakto nabuo ang kabug-os nga $29 billion nga bili.
Una na nga ginreport sang sang Marso nga ginabulubanta nga naglab-ot sa indi magnubo sa $11.3 billion ang gasto sang Estados Unidos sa una nga anum ka adlaw sang kinagamo nga ginpangunahan ni U.S. President Donald Trump.
