Gin-anunsyo ni US President Donald Trump ang tatlo ka adlaw nga ceasefire tunga sang Russia kag Ukraine halin Mayo 9 tubtob Mayo 11 bilang pagdumdom sa pagtapos sang World War II para sa Russia.
Kabahin sang kasugtanan ang temporaryo nga pagpahuway sang opensibang militar kag pagbaylo sang tig-1,000 ka priso halin sa tagsa ka pungsod.
Suno kay US President Trump, nagalaum siya nga mahimo ini nga sugod sang pagtapos sang malawig nga inaway.
Sa pihak nga bahin, nagdeklara man ang Russia sang ila kaugalingon nga ceasefire para sa ila Victory Day celebration, samtang ang Ukraine nagpanawagan sang mas malawig nga tigana sang paghunong sang inaway.
Padayon gihapon ang tensyon sang duha ka pungsod, labi na sa isyu sang Donetsk region, samtang nagapadayun ang negosasyon kag akusasyon sang paglapas sa mga nagligad nga ceasefire.
