Nagpatuman ang Department of Agriculture (DA) sang temporaryo nga pagdumili sa pag-import sang live animals kag pila ka produkto sang mga kasapatan halin sa Greece bangud sa nakumpirmar nga mga kaso sang foot-and-mouth disease (FMD) sa mga karnero sa Lesvos.
Ginsuspender man ang pag-isyu sang sanitary kag phytosanitary import clearances para sa mga apektado nga produkto kag ginpalig-on ang inspeksyon sa tanan nga pantalan sa pungsod.
Lakip sang pagdumili ang live swine, bovines, karne, kag gatas, samtang ginatugutan gihapon ang pila ka processed nga produkto sa baylo nga nagasunod sa international safety standards.
Mahimo pa makasulod ang mga shipment nga napadala antes pa mag-epekto ang circular, kun ini ginhimo ukon ginpatay antes Pebrero 28 kag nagasunod sa mga kondisyon.
Apang ang mga shipment nga indi magsunod sa patakaran pagakuhaon ukon tublagon suno sa layi.
Suno kay Agriculture Secretary Francisco Tiu Laurel Jr., ini nga tikang importante agud maproteheran ang Pilipinas batok sa posible nga epekto sang sakit.
