Ginhayag sang Philippine National Police (PNP) nga nakaposas kag magsuksok sang bulletproof vest subong nga adlaw si dismissed Bamban, Tarlac Mayor Alice Guo sa pag-adto niya sa Senado para dumalo sa legislative investigation bahin sa ilegal nga Philippine Offshore Gaming Operators (POGO).
Suno kay PNP spokesperson Police Colonel Jean Fajardo, ang PNP coaster nga sakay si Guo magahalin sa kampo krame sa Quezon City mga alas otso sang aga buwas samtang ang senate hearing magsugod sa 10 am.
Una nga gin-aprobahan sang Tarlac court ang hangyo sang Senado nga padalhon si Guo sa pagdinig. Ang Capas, Tarlac Region Trial Court amo ang nag-issue sang warrant of arrest kay Guo matapos nga ini ginpasakaan sang Department of Interior and Local Government (DILG) sang kaso nga paglapas sa RA 3019 o Anti-Graft and Corrupt Practices Act, gani siya naka-detain karon sa custodial facility sang PNP.
Nagapabilin sa gihapon si Guo sa dating detention room ni former senator Leila de Lima, matapos siya nga indi magpyansa sa isinampang kaso sa iya.
