Nagpanawagan si Senate Committee on Energy Chairman Erwin Tulfo nga amyendahan ang Oil Deregulation Law agud mangin mas klaro kag transparent ang pagpresyo sang petrolyo sa Pilipinas.
Suno kay Tulfo, dapat hatagan sang mas dako nga awtoridad ang Department of Energy (DOE) nga mangayo sang paathag sa mga oil companies kun nagapasaka ini sang presyo.
Ginpabug-atan niya nga indi dapat pas-anon sang mga motorista kag transport sector ang pagtaas sang presyo sang krudo kon wala sang klaro nga basehan kag pagpaathag.
Suno sa iya, importante ini bangud ang presyo sang langis direkta nga nagaapekto sa pangabuhi sang mga driver kag sa presyo sang mga balaklon.
Ginkumpara man ni Tulfo ang Oil Deregulation Law sa EPIRA, nga suno sa iya, nagtugot sa pagpasa sang pila ka gasto sang power companies sa mga konsumidor.
Apang, ginpabug-atan niya nga bisan dyutay ang maminusan sa presyo, dako gihapon ini nga bulig sa ordinaryo nga Pilipino, ilabi na sa tunga sang mataas nga presyo sang petrolyo kag mga nagapanguna nga kinahanglanon.
