Nagaeksperyensya gihapon sang pagbaha ang 574 ka lugar sa pungsod sini nga Sabado, Agosto 22, bangud sa pinagsamang epekto sang mga bagyo nga Luis, Maymay, Neneng kag habagat.
Suno sa Office of Civil Defense (OCD), nagaabot sa indi magnubo sa isa ka tapak ang kadalumon sang tubig-baha sa mga apektado nga lugar.
Pinakadamo ang yara sa Central Luzon, nga may 446 ka lugar nga lubog pa gihapon sa baha.
Amo ini ang rehiyon nga pinakamalawig nga naapektuhan sang mabaskog nga pag-ulan sa nagligad nga mga semana.
Ginsundan ini sang Mimaropa nga may 42 ka lugar, Ilocos Region nga may 35, Western Visayas nga may 26, kag Calabarzon nga may 25 ka lugar nga nagapabilin nga bahaon.
Suno sa OCD, nakahatag na ang gobyerno sang P1.1 bilyon nga ayuda sa mga komunidad nga naapektuhan sang kalamidad.
Ginpahayag naman ni OCD Information Officer Diego Mariano nga nagapakig-angot sila sa mga lokal nga awtoridad agud masolusyunan ang padayon nga pagbaha, labi na sa probinsya sang Pampanga.
