Napilasan ang indi magnubo sa 20 ka tawo sa pagbutu sa Ramim Ridge sa aminhan nga bahin sang Israel sang Lunes, Oktubre 12, suno sa mga emergency medical responders sa nasambit nga lugar.
Suno sa Magen David Adom (MDA), isa ka non-profit emergency medical service sa Israel, natabo ang pagsigabong malapit sa boundary sang Lebanon.
Lakip sa mga napilasan ang mga estudyante kag mga manunudlo nga nagapakigbahin sa isa ka field trip sa Pe’er Observation Point, nga nahamtang malapit sa lugar sang insidente.
Base sa report sang MDA, duha sa mga biktima ang yara sa kritikal nga kondisyon, samtang tatlo ang nag-angkon sang moderate injuries ukon katamtaman nga mga pilas.
Samtang, yara naman sa maayo nga kondisyon ang 15 ka tawo.
Sa karon, padayon nga ginahibalo sang mga awtoridad ang eksakto nga gintunaan sang pagsigabong kag ang mga sirkumstansya nga nagpalibot sa insidente.
