Mahimo maglab-ot sa P1 milyon tubtob P1.5 milyon ang potential income sa ube kada ektarya, suno kay Agarwood Farmer King Belimac.
Sa interview ang Bombo Radyo Koronadal kay Belimac, nagpaalinton ini sa mga mangunguma sa South Cotabato nga ikonsiderar ang ube bilang dugang nga income source paagi sa intercropping.
Samtang ginahulat nga mag-mature ang agarwood sa sulod sang lima tubtob pito ka tuig, mahimo na makakuha sang kita ang mga farmers halin sa ube.
Suno kay Belimac, magadepende ang potential income sa volume sang ani kag presyo sang ube sa merkado.
Ginkilala niya ang Polomolok, Tupi kag Koronadal bilang mga lugar nga may potential para sa amo nga farming system bangud sa angay nga klima kag kondisyon sang duta.
Pinaagi sa intercropping, mahimo magamit sang farmers ang espasyo sa palibot sang agarwood samtang wala pa ini naga-mature.
Ini mahimo maghatag sang mas temprano nga cash flow para sa mga mangunguma kumpara sa paghulat lamang sa agarwood harvest.
Apang ginpahanumdom ni Belimac nga ang projected income sa ube magadepende gihapon sa production cost, harvest kag nagapadayon nga presyo sa merkado.
