Naglatag si BPI Central Metro Manila Branches Division Head Marwin Galvez sang mga rekord sang bank transactions nga may kaangtanan kay Vice President Sara Duterte, iya bana nga si Atty. Mans Carpio, kag anay Pangulong Rodrigo Duterte sa impeachment trial.
Suno kay Galvez, may pito ka active deposit accounts kag 34 closed individual accounts ang mag-asawa nga Duterte-Carpio sa BPI.
May yara man sang time deposit nga nagabalor sang P40.65 milyon, nga ginbuksan sang Enero 22, 2010 sa BPI Julia Vargas Branch kag gin-renew ukon gin-roll over sang 12 ka beses.
Ginpahayag man ni Galvez nga may P41.72 milyon nga gin-debit halin sa amo nga time deposit sang Marso 9, 2011 kag gin-gamit sa pagilis sang manager’s check.
Ginpakita man sa trial ang pila ka manager’s check nga nagabalor sang P41.72 milyon kada isa, lakip ang mga tseke nga gin-isyu sang 2012 kag 2013 nga si anay Pangulong Duterte ang ginpangalanan nga payee.
Samtang, ginpamatud-an man ni Galvez nga may P80 milyon nga gin-debit para sa paagilis sang peso plans, samtang may isa pa ka manager’s check nga nagbalor sang P16.85 milyon nga gin-isyu sang 2016 kag si Samuel C. Uy ang payee.
Ginpahayag sang prosecution nga ginlantaw sini ang mga transaksyon agud mapakita ang posible nga pattern kag concealment sang pondo.
