Ginhatagan ni Barangay Captain Delos Santos sang 7 sa 10 nga grado ang ika-limang State of the Nation Address ni President Ferdinand Marcos Jr., apang ginpahayag niya nga kinahanglan pa paligunon sang national government ang pagpatuman sang flood control projects sa nagkalain-lain nga lugar.
Sa interview sang Bombo Radyo Koronadal, ginpahayag ni Delos Santos nga importante ang dugang nga aksyon sa pagpaayo sang drainage systems kag pagpatukod sang mga dike agud mapahagan-hagan ang epekto sang pagbaha sa mga komunidad.
Suno sa Punong Barangay, kinahanglan ang mas malawig kag permanente nga solusyon, ilabi na sa mga lugar pareho sang Barangay GPS nga masami nagabaton sang dako nga volume sang tubig halin sa mas mataas nga bahin sang siyudad.
Bangud sini, nagpanawagan man si Delos Santos sang paghangop kag pasensya sa mga residente samtang ginapangitaan pa sang dugang nga pondo kag suporta ang mga ahensya sang gobyerno para sa flood mitigation projects.
