Nanindugan si La Union Rep. Paolo Ortega nga indi fishing expedition ang ginapangayo sang House prosecution panel nga subpoena para sa financial kag tax records ni Vice President Sara Duterte.
Suno kay Ortega, sayop ang alegasyon sang depensa nga nagapangita pa lamang sang ebidensiya ang House panel.
Ginpahayag niya nga ang mga ebidensiya nga nagguwa sa mga hearing sang House Justice Committee dyutay pa lang kag ang dugang nga financial kag bank records makahatag sang mas kompleto nga laragway sang pinansyal nga kahimtangan ni VP Sara kag sang iya pamilya.
Dugang pa sang mamalidha, bangud yara na sa trial proper ang impeachment case, nagakaigo lang nga maipresentar ang tanan nga may kaangtanan sa financial records sang bise presidente.
Ginahulat naman ang desisyon sang Senate impeachment court sa ginapangayo nga subpoena. Suno kay Ortega, kon indi ini pagbatunon sang korte, preparado gihapon ang prosecution nga ipresentar ang mga available nga financial records nga nagguwa na sa nagligad nga mga hearing sang House Justice Committee.
