Nagpromisa ang Department of Education (DepEd) nga magahatag sang igo nga pondo para sa konstruksyon kag pagpaayo sang mga classroom sa rehiyon.
Sa exclusive interview sang Bombo Radyo Koronadal kay Project Development Officer IV Ismael N. Ngitngit Jr., Focal Person sang Oplan Balik Eskwela 2026, iya ginpahayag nga padayon ang pagmonitor kag pag-assess sang DepEd sa mga classroom nga nagakinahanglan sang repair ukon konstruksyon.
Suno sa iya, ini nagapakita sang padayon nga paninguha sang ahensya agud masiguro nga andam ang mga eskwelahan, manunudlo, kag estudyante para sa pagbukas sang klase sa School Year 2026–2027.
Samtang, ginpasiguro man ni Ngitngit ang pagpanindugan sang DepEd sa pagpalig-on sang kooperasyon sang mga ginikanan, manunudlo, kag iban pa nga stakeholders agud mas mapabaskog ang kalidad sang edukasyon kag mangin mas epektibo ang pagtuon sang mga estudyante sa masunod nga school year.
